Studiuesit kanë menduar nëse vitamina D mund t’i ndihmojë njerëzit të shmangin infeksionet e SARS-CoV-2 dhe të zbusin efektet e COVID-19.
Një studim klinik i rastësishëm i kontrolluar edhe me formën placebo ka vënë në synim testimin e përfitimeve të vitaminës D në luftimin e sëmundjes COVID, shkruan Medical News Today përcjell Gazeta Shneta.
Nga rezultatet e studimit u tha se doza të larta të vitaminës D nuk kanë asnjë efekt në rezultatet kryesore të COVID-19 në pacientë të sëmurë veçanërisht të shtruar në spital.
Kërkimi i mëtejshëm është i nevojshëm për të hetuar nëse një mungesë e vitaminës D shoqërohet me raste më të rënda të COVID-19.
Vlen të ceket se ka pasur hetime të shumta për një rol të mundshëm të vitaminës D në parandalimin e infeksioneve të SARS-CoV-2 dhe ndërlikimeve të COVID-19.
Këto studime kanë nxjerrë përfundime kontradiktore. Tani, një studim nga hulumtuesit në Brazil siguruan një përgjigje më të fortë për të paktën një pyetje kryesore: a mund të ndihmojë vitamina D në parandalimin e ndërlikimeve të COVID-19 në pacientë veçanërisht të sëmurë në spital? Sipas rezultateve, përgjigja duket të jetë jo.
Studimi zbuloi se doza të larta të vitaminës D të administruara tek pacientët në spital me COVID-19 të moderuar ose të rëndë nuk ndikojnë në rrjedhën e sëmundjes.
“Studimet in vitro ose provat me kafshët kishin treguar më parë se në situata të caktuara, vitamina D dhe metabolitët e saj mund të kishin efekte anti-inflamatore dhe antimikrobike si dhe në modulimin e përgjigjes imune,” shpjegon Rosa Pereira, hulumtuese kryesor e studimit.
“Ne vendosëm të hetojmë nëse një dozë e lartë e substancës mund të ketë një efekt mbrojtës në kontekstin e një infeksioni akut viral, duke zvogëluar ose inflamacionin ose ngarkesën virale”.
Shkencëtarët nga São Paulo, Brazil, gjurmuan përvojat e 240 vullnetarëve që morën trajtim për simptomat e COVID-19.
Të gjithë pjesëmarrësit ishin testuar pozitiv për SARS-CoV-2 duke përdorur një provë të reaksionit zinxhir polimerazë ose përmes testimit të antitrupave.
Hulumtimi nuk gjeti prova se vitamina D, e mbron një person që të ketë më pak të ngjarë të pranohet në njësinë e kujdesit intensiv ose më pak të ngjarë të ketë nevojë për intubim.
/Gazeta Shneta/